ភ្នំពេញ ៖ ទំពាំងផ្អែមទើបតែមានការដាំដុះ ច្រើនក្នុងស្រុកដោយពេលថ្មីៗមានការដាំក្នុងខេត្តសៀមរាប។
យោងតាមការណែនាំរបស់នាយកដ្ឋានកសិកម្ម នៃក្រសួងកសិកម្មរុក្ខាប្រមាញ់បានឱ្យដឹងថា ការប្រែប្រួលអាកាសធាតុធ្វើឱ្យមានផលប៉ះពាល់ជាអវិជ្ជមានដល់ផលិតកម្ម កសិកម្ម ជាពិសេសការធ្វើកសិកម្មដែលពឹងផ្អែកទៅលើធម្មជាតិ ។ ការផ្លាស់ប្តូរពេលវេលាដាំដុះ ដោយសារការប្រែប្រួលអាកាសធាតុ ធ្វើឱ្យមានផលប៉ះពាល់យ៉ាងខ្លាំងដល់ផលិតកម្មដំណាំត្រពាំងផ្អែម ។
ការកើនឡើងនូវសត្វល្អិតបំផ្លាញ ជម្ងឺ ការប្រែប្រួល របបទឹកភ្លៀង ភ្លៀងធ្លាក់មិនទៀងទាត់ រាំងស្ងួត ទឹកជំនន់ ធ្វើឱ្យទិន្នផលដំណាំត្រពាំងផ្អែមមានការធ្លាក់ចុះដែលធ្វើឱ្យ ប្រាក់ចំណូលរបស់កសិករ មានការថយចុះផងដែរ ។ ការយល់ដឹងពីវិធានការ និងបច្ចេកទេសកសិកម្ម ដែលធន់ទៅ នឹងការប្រែប្រួលអាកាសធាតុ អាចជួយកាត់បន្ថយនូវហានិភ័យគ្រោះមហន្តរាយ ការខាតបង់ផ្សេងៗ និងបង្កើនប្រាក់ ចំណូលរបស់កសិករ ។
សកម្មភាពសំខាន់ៗមួយចំនួន ដែលគួរអនុវត្តដើម្បីកាត់បន្ថយហានិភ័យ និងផលប៉ះពាល់ ការប្រែប្រួល អាកាសធាតុក្នុង ផលិតកម្មដំណាំត្រពាំងផ្អែមមានដូចជា ៖ ការជ្រើសរើសពូជ ការរៀបចំដី និងការដាំដុះ ការថែទាំ ការគ្រប់គ្រងជីជាតិដី និងការគ្រប់គ្រងទឹក ។
១- អត្ថប្រយោជន៍នៃទំពាំងផ្អែម
ទំពាំងផ្អែមត្រូវបានគរប្រើប្រាស់សម្រាប់ជាមុខម្ហូបអាហារ និងមានសារៈប្រយោជន៍ច្រើនសម្រាប់សុខភាពដូចជា ជួយសម្រកទម្ងន់ កាត់បន្ថយហានិភ័យជម្ងឺមហារីក ពង្រឹកប្រព័ន្ធភាពស៊ាំ ជួយពង្រឹងសុខភាពបេះដូង មានប្រសិទ្ធភាពសម្រាប់ទប់ទល់នឹងជម្ងឺផ្លូវដង្ហើម និងយកសម្រាប់ព្យាបាលការចឹករបស់ពស់ និងខ្យាដំរី ។ ដើមទំពាំងធំវាអាចយកទៅធ្វើជាទ្រុងសត្វជាដើម ។
ទំពាំងផ្អែមមានរយៈពេលដាំ ១០ ទៅ ១២ខែដោយមួយគុម្ពៗទទួលបានផល ២០គីឡូក្រាម ហើយទំពាំងផ្អែមនេះវាមានអាយុកាល ២០ឆ្នាំ ឯណ្ណោះ ៕
