នៅឱកាសចូលជួបសម្តែងការគួរសមនិងពិភាក្សាការងារជាមួយលោក បណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទបានអនុញ្ញាតឲ្យលោក Rho Hyunjunនាយកទីភា្នក់ងារសហប្រតិបត្តិការអន្តរជាតិកូរ៉េ (KOICA) ប្រចាំនៅព្រះរាជាណាចក្រកម្ពុជា និងសហការីចូលជួបកាលពីពេលថ្មីៗនេះនៅទីស្តីការក្រសួងអភិវឌ្ឍន៍ជនបទ។
ក្នុងឱកាសនោះដែរ លោកបណ្ឌិតសភាចារ្យរដ្ឋមន្ត្រី បានស្នើសុំទៅភាគីកូរ៉េឲ្យជួយគាំទ្រគម្រោងការអភិវឌ្ឍសហគមន៍ចម្រុះដើម្បីកសាងភូមិសន្តិភាព ( Peace Village ) ដើម្បីប្រែក្លាយអតីតតំបន់សមរភូមិឲ្យទៅជាភូមិដ្ឋានដែលមានសន្តិភាព ការអភិវឌ្ឍនិងសម្បូររុងរឿង។ជាការឆ្លើយតប លោកនាយក KOICA បានឯកភាពលើការស្នើសុំរបស់ក្រសួងអភិវឌ្ឍន៍ជនបទហើយនៅចុងឆ្នាំ២០២០ ក្រុមការងារបច្ចេកទេសរបស់ក្រសួងអភិវឌ្ឍន៍ជនបទ និងក្រុមការងាររបស់ KOICA នឹងចុះសិក្សាលទ្ធភាពក្នុងការអនុវត្តគម្រោងដែលស្នើសុំខាងលើនៅឆ្នាំ ២០២០-២០២៦៕
