ការលើកកម្ពស់សម្រាប់សាលារៀនរដ្ឋត្រូវការចូលរួមជាប្រចាំ ពិសេសលោកគ្រូ អ្នកគ្រូនិងអាណាព្យាបាលសេិស្ស ជាពិសេស គណៈនាយកសាលា។
បើយើងងាកទៅវិទ្យាល័យសម្ដេចហ៊ុនសែនភ្នំពេញថ្មី ដែលមានទីតាំង នៅបង្កាត់ភ្នំពេញថ្មី ខណ្ឌសែនសុខ ឯណោះវិញ។ បញ្ហាទឹកស្អាត និង អនាម័យ ក៏មានការយកចិត្តទុកដាក់ខ្ពស់ផងដែរ។
លោកឆាយសុងលី។ នាយក នៃគ្រឹះស្ថានអប់រំរដ្ឋមានសិស្សប្រម៉ង់ 4000 នាក់ បានប្រាប់ថា មានអនាម័យក្នុងសាលារៀនគឺចាំបាច់បំផុត។សម្រាប់ការគោរពទង់ជាតិវិញ នៅព្រឹកថ្ងៃច័ន្ទនិងល្ងាចថ្ងៃសៅរ៍លោកនិយាយថា តាមណែនាំឲ្យរក្សាអនាម័យ ពេលដែលចូលបន្ទប់ទឹក និងចូលរួមប្រើប្រាស់បន្ទប់ទឹក និង ចូលរួមថែររក្សាសាលារៀន។
គួររំលឹកថាសម្រាប់វិទ្យាល័យទាំងមូលមាន បន្ទប់ទឹក ចំនួន 36 បន្ទប់និងកន្លែងលេងដៃ 10 កន្លែងដោយបែងចែកសម្រាប់ សិស្សស្រី សិស្សប្រុសហើយបន្ទប់ទឹកមួយៗមានធុងសំរាមដាក់សំណល់សម័យអនាម័យសិស្សស្រីផងដែរ។ទន្ទឹមនឹងនេះសាលាក៏មានម៉ាស៊ីនចម្រោះទឹកស្អាតស្របតាមគោលការណ៍ណែនាំស្ដីពីទឹកស្អាតនិងអនាម័យតាមសាលារៀនរបស់ក្រសួងអប់រំ យុវជននិង កីឡា។
ទាក់ទងនឹងបរិស្ថានក្នុងសាលារៀនវិញ ក៏មានដើមឈើជាច្រើនដើមផ្ដល់ជាម្លប់និងភាពត្រជាក់ត្រជុំដល់សិស្សានុសិស្ស ទៀតផង។ដែលវិទ្យាល័យនេះមាន ទីធ្លាធំទូលាយដែលមានផ្ទៃដី៤ហិចតា មានអគារ១០ខ្នងស្មើរនិង៥១បន្ទប់ ។ដែលយើងហាមឃាត់ពីការយកចំណីអាហារចូលរៀន។យើងឃើញថាសំរាមនៅទីនេះឬក្នុងថ្នាក់បានកាត់បន្ថយច្រើន។ដោយពុំមានសំររាមពាសវាល ពាសកាលឡើយ។
លោកវេជ្ជបណ្ឌិត យង់គន្ធារិទ្ធអនុប្រធាននាយកដ្ឋាន សិក្សា នៃក្រសួងអប់រំយុវជន និង កីឡា លើកឡើងថាប្រសិនបើសាលារៀន មិនបានចូលរួមគិតគូរលើកកំពស់ទឹកស្អាតនិងអនាម័យនោះទេ។បុគ្គលិកអប់រំ និង អ្នកសិក្សា និងជួបប្រទះ នូវបញ្ហាជាច្រើន ដល់ សុខភាពសាធារណ:ប៉ះទាំងកាយសម្បទានិងចិត្តសម្បទាទៀតផង។ លីតា
