កិច្ចពិភាក្សា សុវត្ថិភាព សេរីភាព ការបញ្ចេញមតិ ដែលធ្វើឡើងនូវសណ្ឋាគារកាំបូយ៉ាណា កាលពីថ្ងៃទី 7 ខែតុលាឆ្នាំ 2024។
បន្ទាប់ពីធ្វើការយ៉ាងជិតស្និទ្ធរវាងស្នងការដ្ឋាននគរបាលខេត្ត ដើម្បីរៀបចំការសន្ទនា រយៈពេល១ថ្ងៃនៅរាជធានីភ្នំពេញ រវាងប៉ូលីសនិងអ្នកសារព័ត៌មានមកពីខេត្តសៀមរាប ខេត្តព្រះសីហនុ និងរាជធានីភ្នំពេញ ដើម្បីពិភាក្សាអំពីរបៀបក្នុងការលើកកម្ពស់ សុវត្ថិភាពដល់អ្នកសារព័ត៌មានស្ត្រី។
តាមការគូសបព្ជាក់ អំពីសារៈសំខាន់របស់អ្នកសារព័ត៌មាន ក្នុងរបបប្រជាធិបតេយ្យ បញ្ហាប្រឈមរបស់ស្ត្រីកម្ពុជាក្នុងវិស័យសារព័ត៌មាន។និងតួនាទី របស់សមត្ថកិច្ចក្នុងការ រក្សាសុវត្ថិភាពអ្នកសារព័ត៌មានក្នុងអំឡុងពេលមានព្រឹត្តិការណ៍សំខាន់ៗ អំពីច្បាប់ដែលទាក់ទងនឹងប្រព័ន្ធផ្សព្វផ្សាយ។ហើយចំណុចដែលសំខាន់ត្រូវបានបង្កើតឡើងដោយផ្អែកលើធនធានដែលមានស្រាប់និងលទ្ធផល នៃការពិភាក្សាសន្ទនាក្នុងអំឡុងពេលនៃការបណ្ដុះបណ្តាល។
ក្នុងការបង្ហាញ របស់លោកស្រី សាវតា ច័ន្ទគ្រឹស្នា នាយិកាប្រតិបត្តិមណ្ឌលព័ត៌មានស្ត្រីកម្ពុជា បានបង្ហាញឲ្យដឹងថាក្នុងឱកាសនៃការជួបជុំរវាងមន្ត្រីនគរបាលនៃស្នងការនគរបាលរាជធានីភ្នំពេញ ខេត្តព្រះសីហនុ ខេត្តសៀមរាប និងអ្នកសារព័ត៌មានស្ត្រី។
លោកស្រីបន្តថា ថ្ងៃនេះពិតជាមានសារៈសំខាន់ណាស់ រវាងកងកម្លាំងនគរបាលនិងអ្នកសារព័ត៌មាន ដែលជាគោលដៅរួមមួយដើម្បីការពារផលប្រយោជន៍សាធារណៈនិងលើកតម្កើងគោលការណ៍ប្រជាធិបតេយ្យនិងសិទ្ធិមនុស្ស បានធ្វើឲ្យមានការជួបជុំដើម្បីផ្លាស់ប្តូរ យោបល់ ស្ដាប់គ្នាទៅវិញទៅមកនិងមានការចែករំលែកនូវការយល់ដឹងនិងបទពិសោធន៍នៃការងាររបស់ខ្លួនដើម្បីស្វែងយល់ពីបញ្ហាប្រឈមផងដែរ។
ដោយឡែក ឯកឧត្តមឧត្តមសេនីយ៍ឯក ជួន ណារិន្ទ អគ្គស្នងការនគរបាលរាជធានីភ្នំពេញ បានលើកឡើងអំពីជំនួប រវាង មន្ត្រីនគរបាលខេត្តសៀមរាប ខេត្តព្រះសីហនុ និងរាជធានីភ្នំពេញ ក្នុងគោលបំណង ពង្រឹងការយល់ដឹងឱ្យស៊ីជម្រៅអំពីតួនាទីរបស់អ្នកសារព័ត៌មានក្នុងសង្គមប្រជាធិបតេយ្យនិងតួនាទីរបស់មន្ត្រីអនុវត្តច្បាប់ក្នុងការធានាសុវត្ថិភាពដល់អ្នកសារព័ត៌មានស្ត្រី។
ឯកឧត្តមបញ្ជាក់បន្ថែមថា លើសពីនេះក្នុងកិច្ចពិភាក្សារបស់យើងក៏មានគោល បំណង ដើម្បីពង្រឹងការយល់ដឹងឲ្យស៊ីជម្រៅពីតួនាទីរបស់អ្នកសារព័ត៌មានក្នុងសង្គមប្រជាធិបតេយ្យនិងបញ្ហាប្រឈមរបស់អ្នកសារព័ត៌មានស្ត្រី។
ឯកឧត្តមបញ្ជាក់បន្ថែមពីលើ នៃកិច្ចពិភាក្សានេះដោយមានគោលបំណងដើម្បីស្វែងយល់អំពីគ្នាទៅវិញទៅមករវាងអ្នកសារព័ត៌មានស្ត្រីក្នុងសង្គមប្រជាធិបតេយ្យនិងតួនាទីរបស់មន្ត្រីអនុវត្តច្បាប់ក្នុងការធានាសុវត្ថិភាពរបស់អ្នកសារព័ត៌មានទៀតផង។
ការទំនាក់ទំនងនៃជំនួបអ្នកសារព័ត៌មានស្ត្រីជាទិសដៅរួមមួយដែល អ្នកស្រីឈុនផាន់ណាផា នៅមណ្ឌលព័ត៌មានស្ត្រី បានគូសបញ្ជាក់លើកិច្ចពិភាក្សា អំពីការប្រឈម ក្នុងពេលដែលត្រូវយកព័ត៌មាន ដោយអ្នកសារព័ត៌មានស្ត្រីជួបប្រទះ។ហើយកិច្ចពិភាក្សានេះក៏ជាការស្វែងយល់ពីច្បាប់នៅក្នុងប្រទេសកម្ពុជានិងច្បាប់អន្តរជាតិការផ្សព្វផ្សាយព័ត៌មាន ដោយសេរី និងឯករាជ្យទៀតផង។ រុងរឿង
