ការរៀបចំកិច្ចពិភាក្សាថ្នាក់ជាតិស្ដីពីនគរបាលជាតិនិងអ្នកសារព័ត៌មានស្ត្រី ក្នុងការបញ្ចេញមតិនិងសុវត្ថិភាពដែលប្រព្រឹត្តទៅនៅសណ្ឋាគារកាំបូឌីយ៉ាណា។
កិច្ចពិភាក្សានេះដែលមានលោកស្រី សាវតា ច័ន្ទគ្រឹស្នា នាយិកានៃមណ្ឌលព័ត៌មានស្រីកម្ពុជា បានរៀបរាប់ក្នុងអង្គវេទិកានេះ ដែលលោកស្រីអញ្ជើញចូលរួមជាគណៈអធិបតីក្នុងការបើកវគ្គដោយរលូន។ហើយអង្គវេទិកានេះដែលមានលោកស្រី ហង្ស សម្ផស្សប្រធានបណ្ដាញព័ត៌មានស្ត្រីកម្ពុជា បព្ជាក់ដោយនិយាយផ្ដោតលើ កិច្ចពិភាក្សា អំពី យុទ្ធសាស្ត្រ ដែលប៉ូលីស និងអ្នកសារព័ត៌មានស្ត្រី ធ្វើការជាមួយគ្នាដោយមិនប៉ះពាល់ដល់ការងារ របស់ពួកគេ នឹង មិនចាត់ទុកគ្នាជា សត្រូវ។
ដោយឡែកអ្នកស្រី ឧត្តមសេនីយ៍ត្រីដួងថាវរី ស្នងការ រង ខេត្តសៀមរាប បានមានប្រសាសន៍បន្ថែមថា ការយល់ដឹងអំពីការងាររបស់អ្នកសាររព័ត៌មានស្ត្រី ក៏ដើម្បីធ្វើសកម្មភាពមួយឲ្យទាន់ពេលវេលានិងរិ:រក នូវវិធានការ ជួយការពារដល់អ្នកសារព័ត៌មានស្ត្រី ផងដែរ។
ក្នុងកិច្ចពិភាក្សានេះ ដោយឡែកឯកឧត្តម ឧត្តមសេនីយ៍ឯក ជួនណារិនអគ្គស្នងការ រង និង ជាស្នងការនគរបាលរាជធានីភ្នំពេញ បានមានប្រសាសន៍ អំពីកិច្ចពិភាក្សា រវាងនគរបាល និងអ្នកសារព័ត៌មានស្ត្រីថា កិច្ចពិភាក្សានេះមានចំនួន 4 លើកមកហើយ ចាប់តាំងពីឆ្នាំ 2023 រហូតមកដល់បច្ចុប្បន្ននេះ។
ឯកឧត្តម ឧត្តមសេនីយ៍ឯក គូសបញ្ជាក់បន្ថែមថា លើសពីនេះក្នុងកិច្ចពិភាក្សារបស់យើងក៏មានគោលបំណងនិងការយល់ដឹងឲ្យបានស៊ីជម្រៅអំពីតួនាទីរបស់អ្នកសារព័ត៌មានស្ត្រីក្នុងសង្គមប្រជាធិបតេយ្យដែលមានបញ្ហាប្រឈម របស់អ្នកសាព័ត៌មានស្ត្រី។
