តាកែវ៖ លោក រស់ ម៉ៅ ជាកសិករគម្រូម្នាក់ក្នុងខេត្តតាកែវដោយទទួលជោគជ័យក្នុងការដាំបន្លែចម្រុះដែលអាចទទួលបានចំណូលខ្ពស់តែអាចប្រើប្រាស់ដីតូចក៏អាចដាំបានរកលុយបានផងដែរ។
កសិករគម្រូ រស់ ម៉ៅ បាននិយាយថាក្រៅពីការដាំបន្លែដាក់ទ្រើងក៏មានដាំប្រភេទបន្លែចម្រុះដាក់ក្នុងកំប៉ុងបានដែរ។ដោយអាចទទួលបានផលដូចគ្នាទៅលើការដាំលើផ្ទៃដីរាបស្មើ។លោក រស់ ម៉ៅ បន្តថាការដាំបន្លែមានជីនាងវង ខ្ទឹម ស្ពៃចម្រុះ ក្នុងកំប៉ុងជ័របានផលដូចគ្នាទៅនឹងការដាំលើដីផងដែរ អាស្រ័យដោយសារយើងមានដីតូចចង្អៀតក៏ដោយក៏យើងអាចដាំក្នុងកំប៉ុងជ័រតាមជញ្ជាំងតាមរបងផ្ទះ ។ នេះជាបទពិសោធន៍មួយក្នុងការរកចំណូលឬក៏អាចទុកទទួលក្នុងគ្រួសារបានដែរ។
កសិកររូបនេះបានបន្តទៀតថាការដាំក្នុងកំប៉ុងជ័រនេះមានប្រភេទជីនាងវង ស្ពៃចម្រុះ ស្ពៃធំអាចបានផល១គីឡូក្រាមនិងស្ពៃចង្កឹះបានផល៣ខាំ ហើយការដាំនេះសំដៅតែប្រភេទបន្លែណាដែលគ្មានឫសកែវទើបអាចដាំបាន ដោយកន្លងមកការដាំបន្លែក្នុងកំប៉ុងនេះមានអ្នកខ្លះទទួលការបរាជ័យដោយសារការដាំទុកចោលមិនបានថែទាំមិនបានត្រឹមត្រូវដូចជាការស្រោចទឹក ដាក់ជីជាដើមហើយម្យ៉ាងទៀតការដាំបន្លែក្នុងកំប៉ុងជ័រនេះគឺមិនសូវខ្វាល់ខ្វាយពីការរំខានពីមាន់កាយបំផ្លាញនោះឡើយ៕
