បច្ចុប្បន្ន ក្រសួងអភិវឌ្ឍន៍ជនបទកំពុងយកចិត្តទុកដាក់យ៉ាងខ្លាំងក្នុងការដាក់បញ្ចូលទឹកស្អាតនិងអនាម័យប្រកបដោយបរិយាបន្ន សម្រាប់ជនពិការភាពជាក្រុមមនុស្សដែលងាយរងគ្រោះ។
លោកវេជ្ជបណ្ឌិត លន់សាយតេងប្រធាននាយកដ្ឋានថែទាំសុខភាពជនបទនៃក្រសួងអភិវឌ្ឍជនបទបានបង្ហាញក្នុងសិក្ខាសាលាផ្សព្វផ្សាយពីលទ្ធផលសិក្សាស្រាវជ្រាវស្ដីពីការផ្សារភ្ជាប់គោលការណ៍ណែនាំថ្នាក់ជាតិស្ដីពីកម្មវិធីផ្គត់ផ្គង់ទឹកស្អាតនិងអនាម័យលើកកម្ពស់អនាម័យសម្រាប់ជនពិការភាពជាមួយនឹងការអនុវត្តបទពិសោធន៍នៅប្រទេសកម្ពុជាកាលពីថ្មីៗនេះ។
លោកស្រីផេងប៉ារ៉ូហ្សុីនប្រធានកម្មវិធីលើកំពស់បរិយាបន្ននៃអង្កការ water Aid បានឲ្យដឹងថា អង្គការ water Aid សហការជាមួយ សកលវិទ្យាល័យអនាម័យ វេជ្ជសាស្ត្រត្រូពិក នៃទីក្រុងឡុងត៍ បានសិក្សាលើការផ្សារភ្ជាប់គោលការណ៍ណែនាំថ្នាក់ជាតិស្ដីពីកម្មវិធីផ្គត់ផ្គង់ទឹកស្អាត និង ការលើកកម្ពស់អនាម័យសម្រាប់ជនពិការភាពជាមួយនឹងការអនុវត្តបទសោធន៍ ស្ដីពីប្រទេសកម្ពុជាក្នុងគោលបំណង កែលម្អរ រួមបញ្ចូលពិការភាព ការបង្កើតគោលនយោបាយទឹក សា្អត និង ការលើកកម្ពស់អនាម័យសម្រាប់ជនពិការភាព ជាមួយនឹងការអនុវត្តបទពិសោធន៍ស្ដីពីប្រទេសកម្ពុជានិងគោលបំណងជួយកែលម្អរួមបញ្ចូលពិការភាព ការបង្កើតគោលនយោបាយទឹកស្អាតនិងអនាម័យដែលផ្សារភ្ជាប់ និងសមភាពយេនឌ៍រ នៅប្រទេសកម្ពុជាដែលមានចំណូលទាបនិងមធ្យម។ ទន្ទឹមគ្នានេះ រដ្ឋាភិបាលអាចបញ្ជ្រាបគោលការណ៍ណែនាំ ស្ដីពី ទឹកស្អាតនិងអនាម័យប្រកបដោយបរិយាបន្ននៅក្នុងទ្រង់ទ្រាយធំផងដែរ។
អ្នកស្រីបន្តដោយបន្ថែមទៀតថា របកគំហើញនៃការសិក្សាបានបង្ហាញថាលទ្ធផលប្រើប្រាស់ហេដ្ឋារចនាសម្ព័ន្ធព្រមទាំងសេវាកម្មទឹកស្អាតនិងអនាម័យសម្រាប់ជនពិការភាពនៅមានកម្រិតទាប។ហើយមានតែព័ត៌មានតិចតួចប៉ុណ្ណោះដែលអាចថែទាំជនពិការភាពទទួលបានជំនួយ។ការសិក្សាបានបង្ហាញឲ្យដឹងថាតាមរយ:ការលើកកំពស់ ទឹកស្អាត និង អនាម័យ ប្រកបដោយបរិយាបន្ន គឺ ជាដំណោះស្រាយមានប្រសិទ្ធភាពសម្រាប់ជនពិការភាពព្រមទាំងផ្ដល់អនុសាសន៍គន្លឹះដល់អ្នកដែលពាក់ព័ន្ធផងដែរ។
អ្នកស្រីប្រធានគម្រោងលើកឡើងទៀតថាការសិក្សាស្រាវជ្រាវ បែបគុណភាពដោយជ្រើសរើស ជនពិការភាពផ្សេងៗគ្នាចំនួន 16 រូប អ្នកថែទាំជនពិការភាព 4 រូប នៅខេត្តស្វាយរៀង និងខេត្តកំពង់ឆ្នាំង ព្រមទាំងជ្រើសរើសមន្ត្រីជំនាញថ្នាក់ជាតិ7 រូប និងតំណាងអង្គការ 10 រូប ដែលកំពុងធ្វើកិច្ចការ លើកកម្ពស់បញ្ហាទឹកស្អាត និង អនាម័យ និង ការងារពិការភាព នៅកម្ពុជា។ការសិក្សាមានរយ:ពេល២ឆ្នាំ បានចាប់ផ្ដើមពីឆ្នាំ 2021 ដល់ 2022។
ទាក់ទងនឹងការស្រាវជ្រាវបែបគុណភាពវិស័យនេះអ្នកស្រីបញ្ជាក់ថានឹងមានគោលបំណងសិក្សាពីការអនុវត្ត។ស្នូលនៃសិទ្ធិមនុស្សតាមរយៈសេវាទឹកស្អាត និង អនាម័យ ពី ទស្សនៈរបស់មន្ត្រីរដ្ឋាភិបាលអ្នកដែលផ្តល់់សេវា និងសមាជិកសហគមន៍ដែលប្រើប្រាស់ទឹកស្អាតនិងអនាម័យ។ លីតា
