កុមារដែលរស់នៅលើបឹងទន្លេសាបជាច្រើនបានជួបបញ្ហាកង្វះអាហារូបត្ថម្ភ ក៏ព្រោះតែការហូបចុកមិនគ្រប់គ្រាន់ជាពិសេស ខ្វះទឹកស្អាតប្រើប្រាស់។
4 ឆ្នាំចុងក្រោយនេះមានបញ្ហាខ្វះអាហារូបត្ថម្ភលើកុមារត្រូវបានថយចុះក្រោយអង្គការទន្លេគ្លីនិកកម្ពុជា(T L C) បានចុះអប់រំផ្សព្វផ្សាយនិងជួយជ្រោមជ្រែង លើការផ្តល់អាហារបំប៉ននិងថែទាំសុខភាពកុមារ។
គួររំលឹកថា អង្គការគ្លីនិកកម្ពុជា( T L C) បានគាំទ្រលើការផ្ដល់អាហារបំប៉ន និងថែទាំសុខភាពដល់កុមារងាយរងគ្រោះអស់រយៈពេល 7 ឆ្នាំនៅឃុំចំនួន 9 នៅតំបន់ទន្លេសាប ខេត្តសៀមរាប និងកំពង់ធំ។
ក្នុងបេសកកម្មស្ដារលទ្ធភាពកុមារខ្វះអាហាររូបត្ថម្ភរបស់អង្គការ(T L C)បញ្ហាកង្វះអាហាររូបត្ថម្ភ បានថយចុះជា បន្តបន្ទាប់។ជាក់ស្ដែងមកទល់ពេលនេះកុមារកម្ពុជាប្រហែល 15 នាក់ប៉ុណ្ណោះក្នុងចំណោមកុមារ 250 នាក់មានបញ្ហាកង្វះអាហារូបត្ថម្ភខណៈ៤ឆ្នាំមុនមានជាង 20 នាក់ដែលក្នុងនោះ 10 នាក់ស្ថិតក្នុងកម្រិតធ្ងន់ធ្ងរ។
ដោយឡែក កញ្ញា ធួនសុត្រាអ្នកជំនាញថែរទាំសុខភាពសហគមន៍នៃអង្គការទនេ្លគ្លីនិកកម្ពុជាបានលើកឡើងថាជាច្រើនឆ្នាំមកនេះកុមារនៅបឹងទន្លេសាបបានជួបប្រទះនិងបញ្ហាកង្វះអាហារូបត្ថម្ភព្រោះចំណែកអាហារដែលពួកគបរិភោគភាគច្រើន ជាប្រភេទត្រីក្រៀមដែលគ្មានជីវជាតិជួយដល់រាងកាយ។ម្យ៉ាងទៀតបរិភោគទឹកមិនស្អាតគឺជាកត្តាធ្វើឲ្យកុមារងាយកើតជំងឺនិងប៉ះពាល់ដល់រាងកាយផងដែរ។
កុមារដែលខ្វះអាហារូបត្ថម្ភដែលទាក់ទងទៅនឹងការខ្វះវីតាមីនដោយសារតែគាត់មានតែសាច់ ហើយភាគច្រើនគាត់ញ៉ាំតែសាច់ក្រៀម បូករួមទាំង ការខ្វះអាហាររូបត្ថម្ភ អាចបណ្ដាលឱ្យកុមារអាយុក្រោម 5 ឆ្នាំជួបបញ្ហាក្រេះក្រិនស្គមស្គាំង។ជាពិសេសប៉ះពាល់ដល់ការលូតលាស់ផ្នែកខួរក្បាលប្រាជ្ញាស្មារតីជាដើម ។ ដោយ លីតា
