ក្រុមភ្លេងបុរាណខ្មែរដែលមានឈ្មោះថា ទេពបទុម វង្ស ពិណពាទ្យ ដែលកើតឡើងចាប់តាំងពីថ្ងៃទី ១៩ ខែ៩ ឆ្នាំ២០១៩ បច្ចុប្បន្នមានសមាជិក ១៩នាក់ ។ ដោយមានការជួយជ្រោមជ្រែងពីព្រះគ្រូមេកុដិ លេខ ២២ គង់នៅវត្តបទុមវតី និងជាចៅអធិការ វត្តអំពើថ្កើង ព្រមទាំងមានការជួយគាំទ្របន្ថែមពី សម្ដេចមហាសុមេធាធិបតី កិត្តិឧទ្ទេសបណ្ឌិត នន្ទ ង៉ែត សម្តេចព្រះចៅអធិកា វត្តបទុមវតី សម្តេច ពុទ្ធ ជ័យមុនី ឃឹម សន និងព្រះមន្ត្រីសង្ឃគ្រប់ព្រះអង្គ បានជួយបណ្ដុះបណ្ដាលគំនិតអោយរៀនជំនាញ ភ្លេងពិណពាទ្យនេះដើម្បីលើកស្ទួយវប្បធម៌ជាតិ ព្រមទាំងសាងអនាគតអោយក្មេងៗដែលស្នាក់នៅ ក្នុងវត្តនេះផងដែរ។ ស្របតាមអនុសាសន៍របស់ ប្រមុខរាជរដ្ឋាភិបាល មានប្រសាសន៍ក្នុង ថ្ងៃទិវា វប្បធម៌ជាតិ ថ្ងៃទី ៣ ខែមីនា ឆ្នាំ២០២៣ ដោយ លើកឡើងថាក្នុងទីអារាមនីមួយៗ គូតែមានវង់ភ្លេង ពិណពាទ្យ និងឆៃយ៉ាំ ក្លែងបំណងបណ្ដុះបណ្ដាល លើកស្ទួយដល់យុវជនក្នុងតំបន់ ព្រោះថាសព្វថ្ងៃ យើងមានជាង ៤ ពាន់វត្តដែរ បើសិនជាមមាន ត្រឹមពាក់កណ្ដាលនៃភ្លេងពិណពាទ្យក៏ល្អម្យ៉ាងដែរ ព្រោះមានតែមានអារាមទេដែរជួយថែសម្បត្តិដូនតានេះបាន។
ស្របពេលនេះផងដែរបានធ្វើឲ្យទឹកព្រះទ័យ របស់ព្រះគ្រូ ប៉ាន់ ឈួន និងគ្រូភ្លេងផ្នែកបុរាណ ទាំងអស់មានសេចក្តីសប្បាយរីករាយឥតឧបមា ដោយព្រះអង្គមានសង្ឃដីកាថា នេះជាភាសាមួយ ដ៏ល្អ មានគុណតម្លៃខ្ពស់ក្នុងការលើកកិត្តិយស វប្បធម៌ របស់សម្តេច ហាក់បានជួយត្រួសត្រាយ ផ្លូវ និងផ្ដល់កម្លាំងចិត្តដល់អ្នកភ្លេងបុរាណអោយ ប្រឹងរក្សា និងសាបព្រោះជំនាញនេះដល់កុលបុត្រ ជាន់ក្រោយទៀត។
បើសិនជាងាកត្រឡប់មកក្រោយវិញបន្តិច មើល ពីប្រវត្តិ នៃការចាប់កំណើតភ្លេងបទុមវង្ស ពីព ពាទ្យ ព្រះអង្គគ្រូ ប៉ាន់ ឈុន បានមានសង្ឃដិការ ថា អាត្មាភាពបានផ្តួចផ្តើមក្រុមភ្លេងបុរាណមួយ នេះ ដោយកបានរកគ្រូមកជួយបង្ហាត់បង្រៀនភ្លេង នេះ ដល់កុមារកំព្រា ក្រីក្រ រស់អាស្រ័យដោយ បាយបាត្រក្នុងវត្តបទុមវតីនេះ គឺលោកគ្រូ កែវ ប្រសិទ្ធិ ដែលជាគុណបំណាច់មួយដ៏ធំធេង ដែល លោកគ្រូបានជួយដល់កុមារទាំងនោះដោយ មេត្តាចិត្ត ទោះជាមានប្រាក់ឧបត្ថម្ភ ឬគ្មានក្តី ព្រោះ លោកគិតថា កុមារទាំងនេះជាទំពាំងត្រូវបន្តវេន ពីឫស្សី ដូច្នេះត្រូវតែអោយគាត់ចេះ និងស្គាល់ពី ព្រលឹងជាតិយើង។ ក្នុងការបណ្ដុះបណ្តាលពួកគាត់ តែងតែមានបញ្ហាខ្វះខាត ថវិកាត្រ សំលៀកបំពាក់ ឧបករណ៍ភ្លេង និងខ្ទះការលើកទឹកចិត្តពីទុទិដ្ឋិបុគ្គលមួយចំនួនផងដែរ។
បច្ចុប្បន្ននេះក្រុមភ្លេងបទុមវង្ស ពិណពាទ្យត្រូវ បានប្រជាជនខ្មែរ ពិសេសអ្នកស្រឡាញ់គាំទ្រវែង បុរាណស្គាល់ថា ជាវង្សភ្លេងជ័យលាភីលេខ១ ក្នុង ការប្រឡងក្នុងកម្មវិធី វង់តន្ត្រីខ្មែររដូវកាលទី២ ដែលរៀបចំដោយ សហភាព សហព័ន្ឋយុវជន ខេត្ត ស្វាយរៀង រួមសហការជាមួយទូរទស្សន៍បាយ័ន ទើបក្រុមភ្លេង ទេពបទុមវង្ស ពិណពាទ្យ ជាក្រុម ក្មេងវត្តក្រោមអាយុ១៥ ឆ្នាំ បានទទួលជ័យលាភី លេខ១។
ក្រោយពីទទួលបានជ័យលាភីមក ក្រុមភ្លេងកុមារ ទេពបទុមវង្ស ពិណពាទ្យ បានរួមចំណែកជួយដល់ សង្គម ក្នុងការរកថវិកាជួយដល់មន្ទីរពេទ្យគន្ធបុប្ផា តាមរយៈកម្មវិធីសប្បុរសធម៌នៅក្រោមអធិបតេយ្យ ភាពលោក ជំទាវ មែនសំអន និងចូលរួមជួយដល់ ទុរគតជន កុមារក្រីក្រ និងចែកសម្ភារៈសិក្សាដល់ កុមារនៅសាលាឆ្ងាយៗតាមរយៈសមាគមផ្សេងផង ដែរ។
ដោយឡែកបច្ចុប្បន្ននេះកុមារៗ ក្រុមភ្លេងបទុមវង្ស ពិណពាទ្យ កំពង់រស់នៅអាស្រ័យ និងព្រះសង្ឃ ដោយបានប្រើជំនាញ់ភ្លេងនេះជួយដល់ការសិក្សា និងជីវិតរបស់ខ្លួន បន្ថែមពីបាយបាត្ររបស់ព្រះសង្ឃវត្ថុបទុមវតីនេះ។ ដោយឃើញពីការព្យាយាមរបស់ក្មេងៗ ចេះតែមានការវិវឌ្ឍន៍ទៅមុខជាប្រចាំ សព្វថ្ងៃពួកអាចប្រគំបានទាំងភ្លេង សក្ការៈ កម្ពរបុណ្យ ភ្លេងរបាំ ពិណពាទ្យសកវាទិ៍ និងមហារីផងដែរនោះ ព្រះអង្គគ្រូប៉ាន់ឈុន បន្ថែមថាឱកាសការងារ និងការផ្តល់តម្លៃជាកម្លាំងក្នុងការដើរទៅមុខរបស់សិល្បបុរាណគ្រប់រូប បើក្រពះគាត់ឆ្អែតគ្មានហេតុផលដែលគាត់រត់ចោលជំនាញនេះទេ។
ចុងក្រោយ ព្រះអង្គសូមអរគុណដល់បងប្អូនបានផ្ដល់ឱកាសការងារដល់ក្មេងៗ បើលោកអ្នកចង់ទាក់អាចទាក់ទងតាមហ្វេសបុក ទេពបទុមវង្ស ពិណពាទ្យ ឬលេខទូរសព្ទ០៨៦៩៦៧០៦៩។ ដូច្នេះសូមមហាគ្រួសារខ្មែរជួយសិក្សា និងផ្សព្វផ្សាយពីមរតកខ្មែរមួយនេះដល់ក្មេងជាន់ក្រោយផង។
