ពូជទាកាប៉ាប៉េកាំងជាប្រភេទ ទាដែលសម្បូរខ្លាញ់ជាងទាធម្មតា ហើយការចិញ្ចឹមទៀតសោត ការឆាប់ធំធាត់ ធ្វើឲ្យមានអ្នកចិញ្ចឹមច្រើនទើបមានការនាំចូលពូជកូនទាកាប៉ាប៉េកាំងដោយធ្វើការផ្សព្វផ្សាយតាមរយៈអនឡាញក្នុងទីផ្សាររាជធានីនិងខេត្តតាកែវ។
អាជីវករឈ្មោះចែឡាង ជាអ្នកលក់ចែកចាយបន្តក្នុងក្រុងភ្នំពេញតាមរយៈអនឡាញបានឲ្យដឹងថាកូនទាកាប៉ាប៉េកាំងនេះលក់ចេញមួយក្បាលថ្លៃ៥ពាន់រៀល បើទិញច្រើនអាចចុះថ្លៃមកនូវ៤៥០០រៀល។ទាកាប៉ាប៉េកាំង ជាប្រភេទទាដែលសម្បូរខ្លាញ់ច្រើនដែលអាចអាជីវករយកទៅខ្វៃឬដុតក្នុងវិធីមង្គល ឬពិធីបុណ្យផ្សេងៗ។ចែឡាងបន្តទៀតថា បើចិញ្ចឹមកូនទាកាប៉ាប៉េកាំងឲ្យបានត្រឹមត្រូវតាមបទដ្ឋានបច្ចេកទេសចិញ្ចឹមក្នុងរយៈពេល២ខែ១០ថ្ងៃ កូនទាកាប៉ាអាចឡើងទម្ងន់ដល់៣គីឡូហើយក្នុងចំនួន៥០០កូនអាចរកចំណូលបាន១ពាន់ដុល្លារក្នុង១វគ្គហើយតម្លៃទីផ្សារសាច់ទាកាប៉ាប៉េកាំងក្នុង១គីឡូក្រាមតាមហាងឆេង៧ពាន់រៀលទៅ១១០០០រៀល ។ ដេប៉ូលក់ចែកចាយកូនទាកាប៉ាប៉េកាំងនេះមាននៅរាជធានីភ្នំពេញនិងនៅទីតាំងខេត្តតាកែវ ។ កញ្ញា វ៉ាត
