នាព្រឹកថ្ងៃព្រហស្បតិ៍ ៦កើត ខែជេស្ឋ ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២៥ ខែឧសភា ឆ្នាំ២០២៣ ឯកឧត្តមបណ្ឌិតសភាចារ្យ អ៊ុក រ៉ាប៊ុន រដ្ឋមន្ត្រីក្រសួងអភិវឌ្ឍន៍ជនបទ អនុប្រធានទី១ ក្រុមការងារគណបក្សប្រជាជន កម្ពុជាចុះមូលដ្ឋាន ខេត្តកំពង់ឆ្នាំង បានអញ្ជើញជាអធិបតីសម្ពោធដាក់ឲ្យប្រើប្រាស់ជាផ្លូវការអគារសាលប្រជុំនៅក្នុងទីស្នាក់ការគណបក្សប្រជាជនកម្ពុជាឃុំក្រាំងលាវ ស្ថិតនៅក្នុងភូមិក្រាំងលាវ ឃុំក្រាំងលាវ ស្រុករលាប្អៀរ ខេត្តកំពង់ឆ្នាំង ។
គួរបញ្ជាក់ថា៖ នៅក្នុងស្រុករលាប្អៀរមាន ១៤ឃុំ ក្នុងនោះ មានឃុំក្រាំងដីមាស តែមួយគត់ដែលបានកាត់ចេញពីឃុំស្វាយជ្រុំ មិនទាន់បានសាងសង់ទីស្នាក់បក្សនៅឡើយទេ.
នៅព្រឹកថ្ងៃដដែលនោះដែរ ឯកឧត្តមបណ្ឌិតសភាចារ្យ អ៊ុក រ៉ាប៊ុន និងក្រុមការងារក៏បានអញ្ជើញទៅពិនិត្យវិហារស្វាយជុក ស្ថិតនៅក្នុងភូមិស្វាយផ្អែម ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំងផងដែរ ៕
