ការបើកអង្គសិក្ខាសាលា ដោយឯកឧត្តម សួនភារិទ្ធ អគ្គនាយក នៃអគ្គនាយកដ្ឋានប្រព័ន្ធចម្រោះទឹកកខ្វក់ដោយឯកឧត្តមមានប្រសាសន៍ថា តាងនាមឲ្យក្រសួង សាធារណៈការនិងដឹកជញ្ជូន ពិសេសអគ្គនាយកដ្ឋានប្រព័ន្ធចម្រោះទឹកកខ្វក់។ឯកឧត្តមមានកិត្តិយសក្នុងការបើកសិក្ខាសាលាពីថ្ងៃទី២៤.២៦ ស្ដីពីការទទួលបានជាសកលនៃការគ្រប់គ្រងអនាម័យប្រកបដោយសុវត្ថិភាព និងនិរន្តរភាព ដែលរៀបចំដោយអង្គការ និងUNICEF និង WaterAid ។
ឯកឧត្តមមានប្រសាសន៍បន្តថាក្រោយពីមានការកែទម្រង់រចនាសម្ព័ន្ធគ្រប់គ្រងចុងឆ្នាំ 2016 ឆ្លើយតបទៅនឹងគោលនយោបាយកំណែទម្រង់របស់រាជរដ្ឋាភិបាលក្នុងគោលបំណងសម្រេចឲ្យបានផែនការយុទ្ធសាស្ត្រគោលដៅអភិវឌ្ឍន៍នានា ពាក់ព័ន្ធនឹងប្រព័ន្ធក្រសួងសាធារណ:ការនិងដឹកជញ្ជូនដែលបានបង្កើតឡើងចុងឆ្នាំ 2019 បំពេញមុខងារជាសេនាធិការឲ្យក្រសួងសារធារណ:ការនិងដឹកជព្ជូនមានបេសកកម្ម ដែលកន្លងមកក្រសួងសាធារណការនិងដឹកជញ្ជូនដោយមានការសហការ ពី ដៃគូអភិវឌ្ឍន៍ពាក់ព័ន្ធបានចងក្រងបង្កើតនូវឯកសារបទដ្ឋានគតិយុត្តិជាច្រើនទៀត។
ឯកឧត្តមបន្តថាដូច្នេះទឹក និង អនាម័យដើរតួនាទី យ៉ាងសំខាន់ក្នុងការលើកកម្ពស់សុខភាពរបស់ប្រជាពលរដ្ឋ មានសុខភាពកាន់តែប្រសើរក្នុងការទទួលបានទឹកស្អាតនិងសេវាមូលដ្ឋានផ្សេងៗ និងការទទួលបាន អនាម័យ ជាមូលដ្ឌាន របស់ប្រជាពលរដ្ឌនៅតាមទីប្រជុំជននិងនៅជនបទ។
ដោយឡែកអ្នកស្រីចាន់ថាវី ជាអ្នកសម្របសម្រួលរបស់អង្គការ WASh SDO ជំនាញទឹកស្អាតនិងអនាម័យ បានឲ្យដឹងថាការធ្វើសិក្ខាសាលាថ្ងៃនេះផ្តោតសំខាន់ទៅលើការគ្រប់គ្រងកាកសំណល់ឱ្យមានសុវត្ថិភាព កាកសំណល់របស់មនុស្សចាប់ផ្ដើមតាំងពីគាត់ បត់ ជើងរហូត ត្រូវ ប្រើប្រាស់ ការបោះបង់ចោលនូវកាកសំណល់ទាំងនោះ។
អ្នកស្រីថាវី បញ្ជាក់ទៀតថា ជាទូទៅយើងនិយាយពីការគ្រប់គ្រងលាមក របស់មនុស្ស មានន័យថាយើងផ្ដោតទៅលើការបត់ជើងរបស់គាត់ការទុកដាក់កាកសំណល់លាមករបស់គាត់ ការស្ដារនិងដឹកជញ្ជូន ការសម្លាប់មេរោគ ដែលមានកាកសំណល់តើគាត់អាចប្រើប្រាស់ឬបោះបង់ចោលនៅកាកសំណល់ទាំងនោះដូចម្ដេច?។
លោកចែមវិបុលមន្ត្រីគម្រោងរបស់សាលារាជធានីភ្នំពេញ អគ្គនាយកបន្តថា ជុំវិញរឿងនេះគឺមានសារៈសំខាន់ណាស់មិនថានៅរាជធានីភ្នំពេញ ឬ តាមបណ្ដាខេត្តទេចំពោះបញ្ហាអនាម័យនិងការគ្រប់គ្រងអនាម័យនោះគឺសំខាន់ណាស់។បើសិនជាយើងមិនបានគ្រប់គ្រងនោះទេដូចជាកាកសំណាលបង្គន់ ដែលយើងបន្ទោរ មិនមានការគ្រប់គ្រងតាមបច្ចេកទេស ឬ គ្មានកន្លែងគ្រប់គ្រងណាច្បាស់លាស់ គឺវាប៉ះពាល់ខ្លាំងណាស់ ពិសេសការបន្ទោរបង់ពាសវាលពាសកាល។ លីតា
