ក្រុមតារាសម្ដែងដែលដឹកនាំដោយលោកឡុងសុខហ៊ាង មានសទ្ធាជ្រះថ្លាបាននាំយកទៀនព្រះវស្សា និង វត្ថុមួយចំនួនទៀតប្រគេន ដល់ ព្រះសង្ឃគង់ នៅ វត្តគៀនឃ្លាំងមុនថ្ងៃកំណត់។
ពិធីបុណ្យចូលព្រះវស្សា គឺជាពិធីបុណ្យមួយក្នុងព្រះពុទ្ធសាសនា។ទើបបណ្ដាលឲ្យមានចិត្តសទ្ធាជ្រះថ្លាដល់ក្រុមតារាសម្ដែង មួយ ក្រុមដែលដឹកនាំដោយលោកជំទាវ រីយ៉ាត្រាណេ និង លោកឡុងសុខហ៊ាង ដែលជាតារាសម្ដែងនៅក្នុងក្រុម classic មានតារា ប្រុស ស្រីនាំគ្នាធ្វើបុណ្យ បែបសាសនា ក្នុង ពិធីចូលព្រះវស្សា ដែលនឹងខិតជិតចូលមកដល់។
តាមការបង្ហាញឲ្យដឹងពីលោកឡុងសុខហ៊ាង ឱ្យដឹងថាការដែលក្រុមតារាសម្ដែងយើងខ្ញុំបានយកទ័យទាន មានទានព្រះវស្សា នាំចូលមកក្នុងទីអារ៉ាម គៀនឃ្លាំង មុនថ្ងៃកំណត់ដូច្នេះដោយសារតែពួកយើងទាំងអស់គ្នា មានពេលទំនេរមុន ទើបយើងនាំគ្នា យកទៀនព្រះវស្សា មកប្រគេនដល់ព្រះសង្ឃព្រោះតែក្រុមយើងអត់សូវមានពេលទំនេរទេ។ដូច្នេះយើងត្រូវប្រារព្ធពិធីបុណ្យនេះមុនថ្ងៃកំណត់។
តាមការបញ្ជាក់ពីលោកឡុងសុខហ៊ាង បន្តទៀតថា ការដែលយើងប្រារព្ធពិធីបុណ្យនេះឡើង គឺ យើងចង់បញ្ជាក់ពីគំរូ វីរ:ភាពមួយ របស់បងៗដែលដើរ គន្លងផ្លូសិល្បៈមុនដែលបន្តមកដល់ប្អូនៗជំនាន់ក្រោយ ឱ្យគាត់ចាប់អារម្មណ៍ ដើម្បី ចូលរួមចំណែកក្នុងការធ្វើបុណ្យដោយបង្ហាញពីសន្ដានចិត្ត ដ៏ល្អរបស់គាត់ក្នុងផ្លូវព្រះពុទ្ធសាសនា និងពិធីបុណ្យមួយចំនួនទៀត យើងក៏តែងតែ ផ្តល់ នៅ គំរូល្អៗ ក្នុងពេលដែលមានពិធីបុណ្យផ្សេងៗដល់ប្អូនផងដែរ។ហើយក្នុងថ្ងៃនេះយើងក៏បាននាំយកទ័យទាន មានទៀនព្រះវស្សា និង សម្ភារៈផ្សេងៗ មួយចំនួនទៀត មកប្រគេនដល់ព្រះសង្ឃគង់ចាំព្រះវស្សានៅក្នុង វត្តគៀនឃ្លាំងនេះ ទុក្ខសម្រាប់ប្រើប្រាស់ក្នុងពេលចូលព្រះវស្សា។គួរបញ្ជាក់ដែលថាការធ្វើបុណ្យផ្សេងៗឲ្យតែយើងមានសទ្ធាជ្រះថ្លា យើងមិនចាំបាច់នៅទីណាឬដល់ទីណានោះទេ។គឺធ្វើបុណ្យបានទាំងអស់។បើនិយាយពីស្រុកកំណើតខ្ញុំវិញ ខ្ញុំនៅខេត្តពោធិ៍សាត់ តែខ្ញុំឧស្សាហ៍ ចេញចូលនៅក្នុង វត្តគៀនឃ្លាំងនេះ ដើម្បី ធ្វើបុណ្យជារឿយៗបានន័យថាខ្ញុំជាចំណុះជើងវត្តនេះទៅហើយ។
ការចែករំលែកក្នុងពិធីបុណ្យ ចូលព្រះវស្សានៅក្នងវត្ត មិនចាំបាច់ រកពេលវេលានោះឡើយ។ឱ្យតែយើងមានសទ្ធាជ្រះថ្លាយើងក៏ធ្វើបុណ្យបានទាំងអស់បាន ធ្វើឲ្យ លោកជំទាវ រីយ៉ាត្រាណេបញ្ជាក់ឡើងវិញថា សម្រាប់នាងខ្ញុំវិញខ្ញុំពុំដែលគិត ពី ពេលវេលា ថ្ងៃកំណត់ណាមួយទេ សម្រាប់យើងដែលមានសទ្ធាជ្រះថ្លាគឺយើងធ្វើបុណ្យបានទាំងអស់។ហើយពេលដែលយើងចូលមកដល់ ទី អារ៉ាមវត្តគៀនឃ្លាំងនេះភ្លាម ធ្វើឱ្យយើងមានសេចក្តី រ៏ករាយយ៉ាងធំធេងមួយរំពេច។បានន័យថាពិធីបុណ្យចូលព្រះវស្សានេះគឺជាបុណ្យមួយដែលរំលឹក ទៅ ដល់ព្រះពុទ្ធសាសនា តាំង ពី បរមបុរាណមកម្ល៉េះ ដូចជាការ បូជា ប្រទីប គោរព ភ្លើងទៀន គឺ ដើម្បីឲ្យយើងមានពន្លឺ ភ្លឺស្វាង។ដោយឡែកលើសពីនេះទៅទៀតនោះ យើងក៏បាននាំយកវត្ថុផ្សេងៗមាន មី អង្ករ ទឹកត្រី ទឹកសុីអ៏វ ត្រីខ កំប៉ុង ទឹកបរិសុទ្ធ អង្ករ ព្រមទាំងថវិកា មួយចំនួនប្រគេនដល់ព្រះសង្ឃផងដែរ ដើម្បីទុកប្រើប្រាស់ក្នុងទីអារ៉ាមនេះ។
ពិធី បុណ្យ ចូលព្រះវស្សា យើងជាពុទ្ធបរិស័ទ្ធ មិនថាជិត ឬ ឆ្ងាយយើងតែងតែប្រារព្ធពិធីបុណ្យនេះជារឿយៗ ដំណរ ពីដូនតាយើងមកម្ល៉េះ ដូច្នេះហើយនៅក្នុង សទ្ធាជ្រះថ្លាមួយ បានធ្វើឲ្យអ្នកនាង រ័ត្នលីអាឡិចសាន់ដ្រា បញ្ជាក់ថា ក្នុងនាមនាងខ្ញុំជាតារាសម្ដែងទាំងអស់ មានសទ្ធាជ្រះថ្លា យ៉ាងខ្លាំង ដោយបានចូលរួមចំណែក ចួលរួមក្នុងពិធីបុណ្យទៀនព្រះវស្សា ដែលជាពិធីបុណ្យមួយក្នុងព្រះពុទ្ធសាសនា ទោះជារវល់យ៉ាងណាក្តីក៏ពួកយើងត្រូវតែឆ្លៀតមកធ្វើបុណ្យដែរ។ជាពិសេស ការជួយដល់កុមារកំព្រា ចាស់ជរា គ្មានទីពឹងមិនថា ជិត ឬ ឆ្ងាយ។យើងតែងតែ នាំគ្នា សហការ ដើម្បីចែករំលែក ទៅ ដល់អ្នក ខ្វះខាត គឺក្នុងនាមខ្មែរជួយខ្មែរ។ លីតា
