ពូជស្មៅបីប្រភេទដែលនាំចូលពីប្រទេសថៃ ត្រូវបានកសិករយើងស្វែងយល់សិក្សាយកមកពូជទាំងនោះមកដាំបានផ្តល់ការផ្គត់ផ្គង់សម្រាប់ជាចំណីសត្វតម្រូវការនៅទូទាំង២៥ខេត្តក្រុង។
នេះជាការអះអាងបទពិសោធន៍ថ្មីមួយទៀតរបស់កសិករយើងនៅស្រុកភ្នំស្រួចខេត្តកំពង់ស្ពឺដែលបានដាំស្មៅបីប្រភេទនេះសម្រាប់ចំណីសត្វ ។
លោក ម៉ា ទីន ដែលបានដាំស្មៅបីប្រភេទលើផ្ទៃដីដំបូងជាង១ហិកតាដោយការប្រើប្រាស់ទុនតិចតួចប៉ុណ្ណោះ ឈ្មោះស្មៅបីប្រភេទនេះដែលនាំចូលពីប្រទេសថៃនោះមានឈ្មោះថា ស្មៅផ្អែមអ៊ីស្រាអែល ស្មៅណេណា និងស្មៅឃីងហ្គ្រាស់។
លោក ម៉ា ទីនបានដាំស្មៅប្រភេទនេះអស់រយៈពេលបីឆ្នាំមកហើយដោយប្រើរយៈពេលដាំ១ខែកន្លះទៅ២ខែដោយប្រើការដាក់ជីអាចម៍គោជាប្រចាំហើយរដូវដែលដាំស្មៅទាំងនោះគឺក្នុងកំឡុងខែមេសាពេលធ្លាក់ភ្លៀងតិចៗដោយមិនចំណាយទឹកច្រើននោះទេ។ប្រភេទស្មៅឈ្មោះណេណានិងស្មៅឃីងហ្គ្រាស់សម្បូររោមច្រើនជាចំណីរបស់សត្វជើង៤ទំពារអៀងមាន គោ ក្របី ពពែ ចៀម ដោយឡែកចំពោះស្មៅផ្អែមអ៊ីស្រាអែលស្លឹករបស់វាជាចំណីរបស់សត្វគ្រប់ប្រភេទ។
លោក ម៉ា ទីន បញ្ជាក់ទៀតថាបីឆ្នាំមកនេះលោកមានគម្រោងដាំដុះស្មៅបីប្រភេទលើផ្ទៃដី២ហិកតាបន្ថែមទៀតអាស្រ័យដោយសារតម្រូវការអ្នកដាំដុះច្រើននៅទូទាំង២៥ខេត្តក្រុង។ហើយបច្ចុប្បន្ននេះក៏មិនទិញពូជពីក្រៅនោះដែរ ដោយធ្វើការបណ្តុះដើមខ្លួនឯងដោយក្នុងនោះស្មៅផ្អែមអ៊ីស្រាអែលមួយកង់បានថ្លៃ១៥០រៀល ស្មៅណេណាមួយកង់បានថ្លៃ១៣០រៀល និងស្មៅឃីងហ្គ្រាស់មួយកង់បានថ្លៃ១០០រៀលហើយលក់ក្នុង១ថ្ងៃបានជាង៥០០បំពង់ដែរ។ដាំស្មៅបីប្រភេទនេះទទួលបានអត្ថប្រយោជន៍ដោយដើមទុកពូលក់និងស្លឹកសម្រាប់លក់ចេញបន្ត ៕
