ផ្លែស្ត្រប៊ឺរី ធ្លាប់តែធ្វើការនាំចូលពីក្រៅប្រទេសមកលក់ក្នុងស្រុកតែមួយរយៈចុងក្រោយនេះ កសិករក្នុងស្រុកបាននាំពូជផ្លែនេះមកដាំក្នុងស្រុកបានហើយពិសេសក្នុងតំបន់វាលវែង ស្រុកវាលវែង ខេត្តពោធិ៍សាត់ ដោយមិនសំដៅចម្ការធំឬតូចនោះទេសូម្បីតែកសិករដែលមានដីតូចចង្អៀតក៏អាចដាំផ្លែស្ត្រប៊ឺរីនេះបានដែរក៏ដោយសារតែដំណាំប្រភេទនេះស្រួលដាំទទួលបានទិន្នផលខ្ពស់និងទទួលបានតម្រូវការទីផ្សារច្រើនផងដែរ។
ដោយឡែកបងស្រី យ៉េន កសិកររស់នៅក្នុងឃុំអូរតាសោម ស្រុកវាលវែង ខេត្តពោធិ៍សាត់ បានរៀបរាប់ឲ្យដឹងថាពីមុនមកក្នុងតំបន់ស្រុកវាលវែងនេះធ្លាប់តែឮមានគេដាំចម្ការធំៗហើយក៏ពុំបានចាប់អារម្មណ៍នោះដែរទើបតែក្នុងឆ្នាំ២០១៨កន្លងទៅថ្មីៗនេះ កូនប្រុសគាត់បានយកពូជផ្លែស្ត្រប៊ឺរីនេះចំនួនបីទងមកឲ្យគាត់ដាំលេងបានរីកសាយដោយការបង្កាត់ពូជផ្លែនេះរហូតដល់រាប់រយរាប់ពាន់ដើម ក៏ដោយសារបងស្រី យ៉េន មានគំនិតចាប់មុខរបរដាំដំណាំនេះឡើងដោយការបណ្តុះកូនពូជផ្លែស្ត្រប៊ឺរីក្នុងកូនថង់សម្រាប់លក់ និងដាំយកផ្លែលក់ផងដែរ ។
ពីមុនមកត្រឹមរាប់រយកូនដើម តែមកដល់ពេលនេះបានរាប់ពាន់ដើមដោយក្នុង១ដើមអាចលក់បាន៥ពាន់រៀល ដោយឡែកចំពោះផ្លែស្ត្រប៊ឺរីអាចលក់បានក្នុង១គីឡូក្រាម១០ដុល្លារ។ផ្លែស្ត្រប៊ឺរីអាចផលិតកែច្នៃធ្វើជាដំណប់មានរសជាតិឆ្ងាញ់ពិសា ៕
