HACC បានរៀបចំវគ្គបណ្ដុះបណ្ដាល រយៈពេល 2 ថ្ងៃនៅសណ្ឋាគារខេត្តកំពតដើម្បីពង្រឹងសមត្ថភាពក្នុងការទំនាក់ទំនងនិងការប្រើប្រាស់បច្ចេកវិទ្យាឲ្យ ICT ដល់ក្រុមបណ្ដាញសហគមកមន៍ងាយរងគ្រោះដើម្បីឲ្យពួកគេប្រមូលនិងប្រើប្រាស់ទិន្នន័យពីការអនុវត្តតាមដានដឹកនាំដោយក្រុមសហគមន៍ឱ្យបានត្រឹមត្រូវនិងមានប្រសិទ្ធភាព។
ក្រុមបណ្តាញសហគមន៍ងាយរងគ្រោះរួមមានក្រុមបុរសស្រលាញ់បុរសអ្នកក្លែងយែនឌើរស្ត្រីបំរើសេវាកម្សាន្តសប្បាយ អ្នករងផលប៉ះពាល់ដោយសារសារធាតុញៀននិងអ្នកផ្ទុកមេរោគអេដ្ឌជាដើម។
លោកស៏ល:បានកត់សម្គាល់ពីការរីកចម្រើនរបស់សិក្ខាកាម ដោយសារពីមុនពួកគេមិនទាន់យល់ច្បាស់មិនអាចប្រើប្រាស់បច្ចេកវិទ្យាបានត្រឹមត្រូវតែក្រោយបព្ចាប់វគ្គ ពួកគេយល់ច្រើនជាងមុនហើយអាចប្រើប្រាស់បច្ចេកវិទ្យាទាំងនេះបាន។
ទោះយ៉ាងណាមានមេរៀនជាច្រើនទៀតដែលក្រុមសហគមន៍ត្រូវពង្រឹងបន្ថែមទៀតព្រោះបច្ចេកវិទ្យាទាំងនេះតែងតែផ្លាស់ប្ដូរទៅមុខជានិច្ច។
អ្នកនាងប៉ាតម៉ារីយ៉ាសិក្ខាកម្មចូលរួមបាននិយាយថាកម្មវិធីបណ្តុះបណ្តាលនេះពិតជាមានសារៈសំខាន់ណាស់សម្រាប់អ្នកសហគមន៍ក្នុងការបំពេញការងារក្នុងសហគមន៍។នាងបន្តថានាងរីករាយដែលទទួលបានវគ្គបណ្ដុះបណ្ដាលផ្នែកបច្ចេកវិទ្យាមួយនេះដោយនាងអាចបង្កើតកិច្ចប្រជុំតាមអនឡាញក៏ដូចជាការចែករំលែកស្ដីពីព័ត៌មានផ្សេងៗដល់ក្រុមគោលដៅដែលពាក់ព័ន្ធ។
ដោយឡែក អ្នកនាងឈុនមុនីវិជ្ជរ៉ាជាសិក្ខាកាមមួយរូបក្នុងវគ្គនេះបានរៀបរាប់ថានេះជាចំណេះដឹងថ្មីមួយទៀត។ ពិតជាមានសារៈសំខាន់ណាស់ដល់នាងខ្ញុំដែលជាគ្រូបង្រៀនម្នាក់នៅវិទ្យាល័យវារិញខេត្តកំពង់សោម។ត្បិតការងាររបស់ខ្ញុំត្រូវទំនាក់ទំនងជាមួយក្រុមការងារនៅក្រុងភ្នំពេញ ដូចនេះចំណេះដឹងមួយនេះអាចជួយសម្រាលការងារបានជាច្រើនក្នុងការប្រាស្រ័យនៃការទំនាក់ទំនងគ្នា ។ លីតា
