ភ្នំពេញ ៖ អ្នកដាំពុទ្រាខ្លះ ច្រើនតែដាំពុទ្រាហើយ ហើយពិបាករកទីផ្សារម្លោះហើយក៏បានធ្វើការលក់ផ្លែពុទ្រាដោយគិតជាដើមទៅអោយអ្នកម៉ៅទិញវិញ ជាឱកាសឆាប់បានទុនមកវិញ និងក៏ជាឱកាសដល់អ្នកម៉ៅទិញផ្លែពុទ្រា ទទួលបានចំណូល និងចំណេញគួរសមក្នុងមុខរបរនេះ ។
នៅក្នុងរយៈពេល ៧ឆ្នាំ ដែលម៉ៅទិញចំការផ្លែពុទ្រា បានធ្វើឱ្យជីវភាពគ្រួសារគាត់ធូរស្រាលច្រើន តាមការបញ្ជាក់របស់លោក ឡេង ដែលជាអ្នកម៉ៅទិញដើមពុទ្រា ពីដីឡូតិ៍មួយកន្លែងក្នុងភូមិចំពុះក្អែក ខណ្ឌច្បារអំពៅ រាជធានីភ្នំពេញ បានឱ្យដឹងថា នៅក្នុងចំការពុទ្រា នេះគាត់បានម៉ៅពីម្ចាស់ដែលរស់នៅសហរដ្ឋអាមេរិក ដែលមានចំនួន ៧៥ដើម ដែលក្នុងនោះមានទាំងដើមស្វាយផងដែរ ។ នៅក្នុងការម៉ៅដើមពុទ្រានេះ មានរយៈពេល ១ឆ្នាំ តម្លៃ ១៥០ដុល្លារ តែទិន្នផលផ្លែពុទ្រាមានតែក្នុងរយៈពេល ០៣ខែ ពីខែកញ្ញា ដល់ខែវិច្ឆិកា ប៉ុណ្ណោះក្នុងមួយរដូវ ។ ទីផ្សារពុទ្រារៀងរាល់ឆ្នាំបានថ្លៃតែ ៤០០០រៀល ឬ ៥០០០រៀល ។
លោក ឡេង បន្តទៀតថា ត្បិតតែរយៈពេល ១ឆ្នាំ មានតែបីខែ ហើយក្រោយពីបេះផ្លែអស់ ក៏ត្រូវកាប់មែកចោលអោយអស់ទុកតែគល់ ដើម្បីឱ្យវាលូតលាស់មែកផ្លែថ្មីបន្តឆ្នាំទៅមុខ ។ កន្លងមករៀងរាល់ឆ្នាំលោក ឡេង ថានៅក្នុងពេលរដូវ ៣ខែនេះ ផ្លែពុទ្រាច្រើនយកលក់រាយនៅតាមរោងចក្រនៅក្នុងរាជធានី ដោយមិនបន្តលក់រាយ ឬដុំទៅអ្នកផ្សេងទៀតឡើយ ។
ផ្លែពុទ្រាមានពីប្រភេទគឺ ផ្លែពុទ្រាតូច និងពូជផ្លែពុទ្រាគីឡូ ដោយឡែកចំការលោកឡេង គឺមានតែប្រភេទពុទ្រាផ្លែតូច ដែលជាពូជនាំចូលពីប្រទេសថៃ មានរសជាតិជូរអែម ដោយការដាំដុះពូជនេះប្រើរយៈពេល ៥ ទៅ ៦ខែ ។
លោក ឡេង មានក្តីមនោទន ភាពបំផុតដែលចាប់យកមុខរបរម៉ៅចំការពុទ្រានេះ ដែលអាចដោះស្រាយខ្លះដល់កូនទៅរៀន និងម្ហូរអាហារប្រចាំថ្ងៃផងដែរ ។ កញ្ញា វ៉ាត
