ក្រោយពីអស់ជម្រើសទ្រាំធ្វើការនៅប្រទេសក្រៅ ដែលជាកម្មករសំណង់ពុំបានធ្វើឲ្យលោកអស់សង្ឃឹមនោះទេពេលនេះលោករ៉ាត់សារី បានវិលចូលប្រទេសខ្មែរវិញ ហើយប្រកបរបរ ជាកសិករ។
លោករ៉ាត់សារី ជាកសិករម្នាក់ មិនដូចមុនទេ លោកបានមកប្រកបអាជីវកម្មដាំដំណាំគ្រប់ប្រភេទដូចជា ត្រសក់ ត្រឡាច ស្ពៃក្រញាញ់ ស្ពៃតឿហើយដំណាំទាំងនោះតែងតែផល នាំចេញទៅលក់នៅទីផ្សារ ឬ មានឈ្មួញ មកទិញដល់ផ្ទះដោយពុំលំបាកឡើយ។
លោករ៉ាត់សារី រស់នៅ ភូមិត្រពាំងស្រង៉ែ ស្រុកត្រាំកក់ ខេត្តតាកែវ លោកដាំដំណាំ ដែលមិនប្រើជីគីមីទេ។លោកថាលោកប្រើតែជីតធម្មជាតិអស់រយៈពេល 3 ខែហើយព្រោះ មិនពិបាកឡើយ ក្នុងការធ្វើជីរធម្មជាតិ ដែលផ្សំដោយវត្ថុ ពីរ បី មុខមានដូចជា ទឹកខ្មេះ សាប៊ូលាងចាន ដែលងាយស្រួល រកបំផុតនៅក្នុងស្រុកយើងដែល លាយជាមួយស្លឹកស្ដៅ១មុខទៀត យកមកលាយក្រឡុកចូលគ្នា ហើយបាញ់ដំណាំភ្លាមៗដែរ។
លោករៀបរាប់បន្តពីការដែលលោកធ្លាប់ប្រើជីរគីមី ធ្វើឲ្យស្លោកដំណាំខូចទិនផលដំណាំអស់ ដែលធ្លាប់មានបទពិសោធន៍រួចមកហើយ ទើបពេលនេះនាំឱ្យលោកងាកមកលាយជី តាមលក្ខណៈធម្មជាតិវិញ។ឃើញថាទទួលបានទិន្នផលច្រើនអំពីដំណាំ ដូចជាត្រសក់ ត្រឡាច ល្ពៅ ស្ពៃ ដែលដាំ មានរយៈពេលតែ 20 ថ្ងៃទេ។ដែលយើងអាចទទួលបានផល។
លោកបញ្ជាក់អំពីការដែលលោកងាកមកធ្វើ របរកសិកម្ម របស់លោកសារ៉ាត់ សារី គឺពេលនេះកាន់តែ ធ្វើឱ្យលោកមិនចង់ទៅរកស៊ីឬធ្វើការនៅទីឆ្ងាយដូចមុនឡើយ ព្រោះរបរ នេះ ងាយស្រួលជាង។ លោកថាខ្ញុំដាំដំណាំលើផ្ទៃដីរបស់ខ្ញុំ នៅក្បែរផ្ទះ។ឃើញថា ស្រួលជាងដើរទៅធ្វើការនៅខាងក្រៅ។
ដោយឡែកចំពោះអ្នកស្រីង៉ែតម៉ាល់ប្រធានសហគមន ឲ្យដឹងថា នៅសហគមន យើងខ្ញុំមានក្រុមផលិតបន្លែនិងក្រុមផលិតពូជស្រូវ ហើយមានក្រុមសន្សំកាក់ក្រុមផលិតចំណីមាន់ ចិញ្ចឹមមាន់ ទាំងអស់មាន 54 គ្រួសារ។
អ្នកស្រី រៀបរាប់ទៀតថា ដំណាំនៅក្នុងសហគមន របស់អ្នកស្រីគឺដាំវិលជុំ។ដូចជាត្រកួន សណ្ដែកកួរ ត្រសក់ននោង ល្ពៅ ជាដើម។សម្រាប់ ត្រកួនវិញលក់ចេញក្នុង១គីឡូ ១៥០០រឬ២០០០រ។ចំណែកខាត់ណា 1 គីឡូ 3000រៀល ឬ៤០០០រៀល បើសណ្ដែកកួរ ១គីឡូ 5000 រៀល ត្រសក់ផ្អរ 2500 រៀឬ 3 ០០០ រៀល តាម រដូវ បុណ្យ ឬ ការ។ហើយការដាំដំណាំទាំងនេះ គឺយើងដាំចម្រុះមានស្រីមានប្រុសឲ្យតែពួកគាត់ចាប់អារម្មណ៍ចូលសហគម។
ការដាំបន្លែតែងតែទទួលផល តាមរដូវ ដែលនាំឱ្យកសិករ យើង តែងតែចាប់អារម្មណ៍កាន់តែខ្លាំង។ហើយបានបង្កើនការដាំបន្ត រហូតគ្រប់ រដូវពេលដែលកសិករយើង ទទួលបានផលជាទីគាប់ប្រសើរ។ លីតា
